Metropoliten kadrlarni tayyorlash ilmiy innovatsion markazi

TRANSPORT SOHASIDA KADRLARNI QAYTA TAYYORLASH VA ULARNING MALAKASINI OSHIRISH HAMDA ILMIY VA INNOVATSION FAOLIYAT TIZIMINI TASHKIL ETISH CHORA-TADBIRLARI TO‘G‘RISIDA

Mamlakatimizda transport va yo‘l xo‘jaligi sohasida xodimlarni tayyorlash, qayta tayyorlash, ularning malakasini oshirish tizimini tubdan isloh qilish maqsadida ilg‘or xorijiy tajribani qo‘llagan holda o‘quv jarayoniga yangi ta’lim uslublarini, zamonaviy axborot texnologiyalarini keng joriy etish borasida tizimli ishlar amalga oshirilmoqda.

Shu bilan birga, bugungi kunda transport sohasida ta’lim oluvchilarga keng imkoniyatlar va qulay sharoitlar yaratish, soha kadrlarining bilim va ko‘nikmalarini oshirish, shuningdek, kadrlarni qayta tayyorlash hamda ularning malakasini oshirish jarayonlarini ishlab chiqarish bilan uzviy bog‘liq holda amalga oshirish talab etilmoqda.